MEI 2010. AMPER WINTER! Kom ons skoffel weer vir 'n slag!!!

September 2009 - dis lente!

Dit is die maand September, die mooiste mooiste maand.

Ehm, ja ek weet dis nie hoe die dokter gesê het nie. Maar waarom mag net Oktober die mooiste mooiste maand wees? Waarom mag ons net in Oktober viooltjies in die voorhuis hê?

Besluit sommer nou September gaan ook ‘n mooiste mooiste maand wees. Met viooltjies in ons plaas se voorhuis.

Vroulief en Vlaktekind.

Augustus - tyd vir wind en daai laaste wintersnikke.

Gebeure in ‘n Tuin – wat in Oktober eers lewe, maar reeds oor gedroom word in die Maand van die Wind, Augustus…

O, wat ‘n lewe is dit diè een wat ek leef!

Rondom my kop val appels swaar gelaai met ‘n soete rypheid na die grond!

Volronde trosse uit die wingerd vul met hul nektar my mond!

Vanself reik die naartjies en nuuskierige perskes na die greep van my hand…

En in die verbygaan struikel ek oor waatlemoen en spanspek en bekoring!

Maar dan, omring deur magrietjies, gryp die gras my en trek my neer op sy sagte groen lower,

en fluister soos ‘n beminde in my oor: “Dis byna die maand van Oktober!”

Dis 'n jaar...

Vir julle wat nuut hier is, wel nuwer as die oorspronklike "Weg" en Dana se blog, en langer as 'n jaar terug, vandag, presies 'n jaar terug het ons ons liewe plaasmater Mieks verloor. Mieks, ons mis jou en ons dink veral vandag aan Lolla, sus Estie en almal anders wat 'n plekkie in hulle hart spesiaal vir jou hou. Jou plekkie om die Aga sal ewig leeg wees.

Die eerste plaaskuier by Steak and Ale:
Van links - agter: Zulu, Kiets en Landy
Voor: Robyntjie, Jewls, Koos Kampkoors en Mieks
Hierdie hoofie gaan net vir die dag op wees, more begin ons met Augustus amptelik!

Julie - en ons kyk terug na die laaste kuiertjie.

BIRTHDAY BLESSINGS

Tables are set for a celebration of live

Flames of light warm the atmosphere

Glass filled blossoms smile openly

Colorful friendships of pink and blue

Yet the glass is transparent always new

We sit to be served like kings and queens

Of God’s creation.

Two friends stand tall with pride

Years of nostalgic remembrance

Brings stories of Gods grace

Stands of life hang softly around their faces

Lines of love have formed their personalities

The gift of smiles are abundantly shared

Hugs of hope and new friendships sealed.

A cake of delight all covered with sweet moments

Languages of joy fill spaces of time

Stories of past struggles and future pleasures,

Will roam in spaces now and through distant lines

Thankful greetings and ever lasting life to share

To be grateful for birthday wishes to share.

Blue Crane – Lekkerkry kuier – 13.06.2009

Foto: Bernice Rietveld, Gedig: Blondt

Junie en dis regtig winter.

Ek kry die ou possie in my vonkposbussie en eers toe besef ek ek het my pligte as bestuurder van hierdie plaas vreeslik versuim:
"Liewe Katjie, ek wag al heeldag dat jy Junie-maand
moet aankondig op die plaas! As jy 'n tekort aan
foto's het, hier is een van my Boernale wat vandag
5 jaar oud is!!! Dis duidelik dat al die vroutjies
op hierdie erf op iemand se kop sit!! ;-))

Hoop julle is almal baie gesond en gelukkig!!

Liefde, Jewls. xxxxx"

Mei - en die winter begin byt aan ons skene.

'n Glimps van die snoekbraai by Jewlsie se plasie.

April is Paasfees, vakansiedae vir uitspan en familie kuiers. Geseënde Paasfees.

Ons kreatiewe tuinier Moses se Paasfees bydrae.

Maart en die kosmosse begin blom.

Februarie 2009

Welkom by die kortste maand van die jaar!

Die Canon club!

Geseënde 2009!

Somer Kersfees tyd - dis Desember!

1. Welkom, o stille nag van vrede,
onder die suiderkruis,
Wyl stemme uit die ou verlede oor sterrevelde ruis.
2. Hoor jy hoe sag die klokke beier in eeue-oue taal.
Kyk, selfs die nagtelike swye vertel die ou verhaal.
Kersfees kom, Kersfees kom –
Gee aan God die eer.
Skenk ons ‘n helder Somer-kersfees
In hierdie land, o Heer.
3. Voel jy ook nou sy warm liefde as ons die dag gedenk,
Toe Hy sy Seun aan ons gegee het – ons grootste Kersgeskenk.
Christus kom, Christus kom –
Gee aan God die eer.
Skenk ons ‘n helder Somer-kersfees
In hierdie land, o Heer.
Refrein:
Kersfees kom, Kersfees kom –
Gee aan God die eer.
Skenk ons ‘n helder
Somer-kersfees
In hierdie land, o Heer.

En November is die maand vir werk klaarmaak en dink aan vakansie.

Dit is die maand Oktober, die mooiste mooiste maand.

En Pretoria stof haarself af vir die spektakel wat kom.

Lekker week vir almal!

Hoop julle het almal 'n lekker week en naweek - Mieks sou nou gevra het dat ek vir haar 'n skulpie moet optel, en Jeweeltjie, ek sal vir jou 'n klippie in die see gooi.

Dis heerlike lente

Pragtige bloeisels vir die begin van die seisoen van vreugde.

Lente beslis in die lug!

Veels geluk liewe Vlakkies, oorlat jy geverjaar het....

Heyto, dis koud vanmore en hallo Smousie!

Lekker koue oggend - en HALLO SMOUSIE! Hier is spesiaal 'n lekker plekkie langs die AGA vir jou. 'n Paar oomblikke uit Saterdag se kuier.

So na Vrouedag, mag almal 'n lekker week hê!

Ja, ok, daar's nie vanmore 'n prentjie nie, volgende keer weer!

Mieks ons gaan jou mis.

Liewe Mieks, Ek het gistermiddag vir jou 'n wit roos in my tuin gaan pluk. Toe ek die naweek my rose gesnoei het het hy vir my so mooi daar aan die boom gelyk dat ek hom daar gelos het. Maar gistermiddag het ek hom gaan pluk en langs my bed gaan sit om jou te onthou. Net so het Jesus daai mooiste roos in die tuin gepluk om langs Sy bed te sit. Vaarwel vriendin, sien jou weer, soos jou geliefde Coenie sing.